का रे करितोस आता कुरकुर
लागे हुरहुर कशाची रे ?
अनुकूल सुखे तुला एकंदर
तुझे शिकंदर नशीब रे
उगाच आणखी मागसी मागणे
धरिसी धरणे देवाद्वारी
काय कमी केले तुला देवाजीने
देशी का दूषणे सदाकदा ?
कृतज्ञ होऊन मान समाधान
तुला जे निधान दिले त्यात !
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
