हे नव्हे आकाश, भासे
यामिनीचा हा बगीचा
या नव्हे तारा, सडा हा
शुभ्र जाईच्या फुलांचा
आणि तो हौशी फुलांचा----
नी मुलांचा चंद्रराणा
नाकळे येऊन केव्हा
वेचुनी ने या फुलांना !
मात्र मी जेव्हा उठूनी
अंबरी पाहे पहाटे
एकही तारा दिसेना
अंतरी आश्चर्य वाटे
वेचलेली ती फुले का
चंद्रमा टाकून जाई !
आणि बागेतील माझ्या
ये बहारा शुभ्र जाई !
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
