विराटस्वरुपा, ब्रम्हाण्डनायका,
गातो मी आयका भव्य स्तोत्र
भर्जरी सागरी, आभाळी, शाद्वली
नेसवी माउली वस्त्रे तुम्हा
आकाश-तबकी चंद्रसूर्यज्योती
करिती आरती अष्टदिशा
स्वर्गङगा तुमचे चरण प्रक्षाळी
वाहते ओंजळी तारकांच्या
ग्रहमाला गाई धरुनिया फेर
ढाळितो चामर मरुद्गण
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
