पाखरे करिती गोड कुजबुज
काय हितगुज चाले त्यांचे !
भ्रमर फुलांशी करितो गुंजन
कोणते कूजन चाले त्याचे
वारा घुमघुमे वनराईमाजी
काय चाले त्याची कानगोष्ट !
लेकराच्या कानी कुजबुजे माय
त्याचा अर्थ काय तीच जाणे
कळो वा न कळो तुझे ते गुपित
सांग तू कानात देवा, माझ्या
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
