कुणिकडे चालले हे बगळे
रांगेत कसे उडती सगळे !
नदी वाहते संथ खालती
जळी ढगांच्या छाया हलती
तटी लव्हाळे डोलडोलती
वर कुणी उधळिली शुभ्र फुले ?
पाय जुळवुनी, पंख पसरुनी
कलकल कलकल करीत मधुनी
कुठे निघाले सगळे मिळुनी
पडवळापरी किति लांब गळे !
वाटे सुटली शाळा यांची
शर्यत सुटली की पळण्याची !
यात्रा भरली की पक्ष्यांची ?
तिकडेच चालले का ? न कळे !
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
