जन्मजात जागृत अपुल्या अधिकाराला ।
गुरुदेव टिळक, त्या शिष्य विनायक झाला ॥धृ०॥
उलगडे भूमिवरि काल नव्या शतकाला ।
अंगणी विनायक माजघरातुनि आला ।
गोदातट सोडी शिक्षण वाढविण्याला ।
गुंफाया किंवा क्रांतिदेविला माला ।
लोकमान्य होती स्फूर्ती विकल देशाला ।
गुरुदेव टिळक, त्या शिष्य विनायक झाला ॥१॥
केसरी परिसरी एकत्रावे छावे ।
विस्मृत शौर्याचे जिथुनि शिक्षण घ्यावे ।
उन्मत्त शक्तिला परकी आव्हानावे ।
दंष्ट्रा-नखरी गज-गंडस्थळ फोडावे ।
उघडता अशी तै क्रांतिची महाशाला ।
गुरुदेव टिळक, त्या शिष्य विनायक झाला ॥२॥
कार्यासि मिळावे अधिष्ठान देवाचे ।
पाठीसि असावे दैवत सामर्थ्याचे ।
गणराय,शिवाजी म्हणुनी पूजायाचे ।
इह-अध्यात्माचे सूत्र लोकमान्यांचे ।
आंदोलन-मंदिर विशाल उभवायाला ।
गुरुदेव टिळक, त्या शिष्य विनायक झाला ॥३॥
आर्यांच्या देशी म्लेच्छांचा ये घाला ।
सावध शिवराया ! पुनरपि घे जन्माला ।
दास्याने केले दीन हीन आम्हांला ।
तू शक्त ! ये प्रभो दु:ख निवारायाला ।
काव्यात विनायक विनवी शिवरायाला ।
गुरुदेव टिळक, त्या शिष्य विनायक झाला ॥४॥
गुरुदेव टिळक, त्या शिष्य विनायक झाला ॥धृ०॥
उलगडे भूमिवरि काल नव्या शतकाला ।
अंगणी विनायक माजघरातुनि आला ।
गोदातट सोडी शिक्षण वाढविण्याला ।
गुंफाया किंवा क्रांतिदेविला माला ।
लोकमान्य होती स्फूर्ती विकल देशाला ।
गुरुदेव टिळक, त्या शिष्य विनायक झाला ॥१॥
केसरी परिसरी एकत्रावे छावे ।
विस्मृत शौर्याचे जिथुनि शिक्षण घ्यावे ।
उन्मत्त शक्तिला परकी आव्हानावे ।
दंष्ट्रा-नखरी गज-गंडस्थळ फोडावे ।
उघडता अशी तै क्रांतिची महाशाला ।
गुरुदेव टिळक, त्या शिष्य विनायक झाला ॥२॥
कार्यासि मिळावे अधिष्ठान देवाचे ।
पाठीसि असावे दैवत सामर्थ्याचे ।
गणराय,शिवाजी म्हणुनी पूजायाचे ।
इह-अध्यात्माचे सूत्र लोकमान्यांचे ।
आंदोलन-मंदिर विशाल उभवायाला ।
गुरुदेव टिळक, त्या शिष्य विनायक झाला ॥३॥
आर्यांच्या देशी म्लेच्छांचा ये घाला ।
सावध शिवराया ! पुनरपि घे जन्माला ।
दास्याने केले दीन हीन आम्हांला ।
तू शक्त ! ये प्रभो दु:ख निवारायाला ।
काव्यात विनायक विनवी शिवरायाला ।
गुरुदेव टिळक, त्या शिष्य विनायक झाला ॥४॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
