विजयाचा सण आला !  मेळा प्रांगणि जमला ।
व्योमी स्वर दुमदुमला ।
देण्याला वंदना ध्वजाला ।
या महोत्सवाला ॥धृ०॥
पंक्तींत पदाति, वाजि, गज, रथ, रणभेरी
अत्यधुनिक तोफा अन् अण्वस्त्रे भारी ।
चढतां ध्वज आकाशी वाजली तुतारी
करित पुरश्चरण सर्व सैन्य शस्त्रधारी ।
सेनानी हा पहिला । प्रतिशोधा प्यालेला ।
आला मर्दुनि अरिला ।
देण्याला वंदना ध्वजाला ।
या महोत्सवाला ॥१॥
छळण्याला जे जे या भारतांत आले
शक्त पदाघाताने सर्व ते निमाले ।
शक्तिशाली भूवरि जे देश मानलेले
पाहुनी सशक्त राष्ट्र आज नम्र झाले ।
राजदुत गण जमला । ध्वज गगनी जै चढला ।
जोडुनी करां नमला ।
देण्याला वंदन ध्वजाला ।
या महोत्सवाला ॥२॥
ध्वरु दोन्ही हिंदुराष्ट्रसंघ आक्रमीतो
वैद्यक, वाणिज्य, कला क्षेत्र शोधतो तो ।
अवकाशी फिरुनि कुणी विश्वशोध घेतो
रत्नाकर शोधुनि वा देशरत्न होतो ।
विद्या विज्ञान कला । पावती स्वदेशाला ।
शिवनृपवंशज आला ।
देण्याला वंदना ध्वजाला ।
या महोत्सवाला ॥३॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Comments
Please join our telegram group for more such stories and updates.telegram channel

Books related to जय मृत्युंजय


चिमणरावांचे चर्हाट
नलदमयंती
सुधा मुर्ती यांची पुस्तके
झोंबडी पूल
सापळा
श्यामची आई
अश्वमेध- एक काल्पनिक रम्यकथा
गांवाकडच्या गोष्टी
खुनाची वेळ
मराठेशाही का बुडाली ?
कथा: निर्णय
मृत्यूच्या घट्ट मिठीत
लोकभ्रमाच्या दंतकथा
पैलतीराच्या गोष्टी
शिवाजी सावंत