तूं बस या पलंगी राजसा ॥धृ०॥
आहा मदन वृत्तीहि त्यागिली । दुरिता शिराणी भागली ।
क्रिया आपुल्या मागली । विषय मोहनी चांगली ।
मुर्ती तुझी म्या भोगिली । चटक इष्काची लागली ।
समजुन पुरता भरवसा ॥१॥
तीक्षण मर्जि पाहिली । सुक्ष्म तनु कां मायली ।
मंदिरांत घडि ही साहेली । आज म्या तुमची वाहेली ।
वृत्ती विषयाची राहिली । मग तुम्ही दुसरी बाहेली ।
हें पाहुन हा जिव पिसा ॥२॥
प्रीत दुसरी कुण गांठली । मज भीड सन्मुख वाटली ।
ती वेळ सवखे लोटली । कंचुकी दर्वश (?) दाटली ॥
मग दु:ख शरिरीं वाटली । श्ने (?) रुता सवती थाटली ।
रंग नवतीचा पहा कसा ॥३॥
आणले गुंफुन हारतुरे । तुम्ही सख्या विष्की पुरे ।
दिसतां छेबदार खुब झुरे । करा अशी कीर्त जागीं उरे ।
होनाजी बाळा कविश्वरे । हे रामा अंदु चातुरें ।

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel

Books related to लावणी


लावणी